Bakı. Aqşin Əliyev - APA-Sport. Kiprin paytaxtı Nikosiyada keçirilən gənclər və böyüklər arasında Avropa çempionatı Azərbaycanın stend atıcıları üçün uğursuz olub. “APA-Sport” agentliyinin məlumatına görə, qitə birinciliyinə qatılan 5 həmyerlimizdən 4-ü fəxri kürsüyə yüksəlməyi bacarmayıb. Milli komandamızın üzvlərindən ən yaxşı nəticəni Sidney Yay Olimpiya Oyunlarının qalibi Zemfira Meftahəddinova göstərib. Dairəvi (skeet) növdə yarışan 45 yaşlı stend atıcısı Avropa çempionatında 68 xal (23+22+23) toplayaraq, 10-cu yeri tutub. Final mərhələsinə düşmək üçün onun bir xalı çatmayıb. Nurlanə Cəfərova isə 55 xalla 32-ci sırada qərarlaşıb. Z,Meftahəddinovanın qızı Regina Meftahəddinova da medalsız qalıb. Gənclər arasında qüvvəsini sınayan R.Meftahəddinova aşağıdan yuxarı ikinci, yəni 17-ci pilləyə sahib çıxıb. Səngər (trap) növündə ölkəmizin şərəfini Elvin İsmayılov qoruyub. O, 52 xalla 77 nəfər arasında 75-ci olub. Daha bir idmançımız, yığmanın baş məşqçisi Hafiz Cəfərovun oğlu Emin Cəfərov (skeet) bacarığını iyulun 12-də nümayiş etdirəcək.

• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib