Bakı. Aqşin Əliyev - APA-Sport. Ukraynanın paytaxtı Kiyevdə keçirilən qılıncoynatma üzrə Avropa çempionatı başa çatıb. “APA-Sport” agentliyinin məlumatına görə, Azərbaycan milli komandaları qılıncoynatmanın müxtəlif növlərində uğursuzluğa düçar olublar. Qadın sablyaçılardan ibarət yığmamız qitə birinciliyində 10-cu yerlə kifayətlənib. Sabina Mikina, Janna Muradqızı, Sevil Bünyatova “trio”su öncə Almaniyaya 44:45 hesabı ilə uduzub. Doqquzuncu yer uğrunda görüşdə isə xanım idmançılarımız rumıniyalılarla bacarmayıblar - 34:45. Bu dəfəki Avropa çempionatı kişi şpaqaçılarımız üçün əlamətdar olub. Belə ki, bu növdə yığmamız tarixində ilk dəfə qitə miqyaslı yarışda qüvvəsini sınayıb. Ancaq heç də ürəkaçan nəticə qeydə alınmayıb. Hollandiyalı şpaqaçılar həmyerlilərimizin təcrübəsizliyindən məharətlə yararlanıblar (45:17). Yekunda Azərbaycan milli komandası 20 kollektiv arasında 17-ci olub.
Qeyd edək ki, sablyaçı kişilərdən ibarət yığmamız da zəif nəticə göstərdiyi üçün 16-cı pillədə qərarlaşmışdı.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!