Bakı. Aqşin Əliyev - APA-Sport. Kişi tələbələrdən ibarət həndbol üzrə Azərbaycan yığması İtaliyanın Venetsiya şəhərində təşkil olunan XIX dünya çempionatında çıxışını başa vurub. “APA-Sport” agentliyinin məlumatına görə, Hikmət Abdullayevin komandası 15-ci yerlə kifayətlənib. Həndbolçularımız turnirdə keçirdikləri 6 matçdan 5-də (Yaponiyaya 32:36; Gürcüstana 30:33; Serbiyaya 25:33; Latviyaya 18:39; Çexiyaya 26:45) məğlubiyyətə düçar olublar. Milli komandamız son matçda Avstraliya üzərində 40:21 hesablı qələbə qazanaraq, axırıncı pillədə qərarlaşmaqdan qaça bilib.
Qadın həndbolçularımız isə yarımfinala yüksəlməyi bacarmayıblar. Georgi Voronovun yetirmələri 1/4 finalda rumıniyalılara 26:36 hesabı ilə uduzublar. Bu səbəbdən yığmamız 5-8-ci yerlər uğrunda mübarizəyə qoşulub. Həmyerlilərimiz bu gün axşam Çexiyanı sınağa çəkəcəklər. Dünya çempionatına iyulun 13-də yekun vurulacaq.

• AMADA Parisdə Monitorinq Qrupunun iclasında iştirak edib
• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub