Bakı. Aqşin Əliyev - APA-Sport. Rusiyanın Poykovski şəhərində XII dünya çempionu Anatoli Karpovun şərəfinə həsr olunan beynəlxalq turnirdə bu gün 7-ci turun oyunları keçirilib. “APA-Sport” agentliyinin məlumatına görə, yarışda Azərbaycanın yeganə təmsilçisi Vüqar Həşimov moldovalı Viorel Baloqanla görüşüb. Tərəflər 43 gedişdə heç-heçəyə razılaşıblar və nəticədə 22 yaşlı şahmatçımız yarım xalla kifayətlənib. Turnirdə dördüncü dəfə heç-heçə oynayan V.Həşimovun mövqeyi dəyişməyib. Hazırda beynəlxalq qrossmeysterimiz 4 xalla 4-5-ci yerləri bölüşdürür. Yarışın qalan iki günündə həmyerlimiz Aleksey Şirov (İspaniya) və Van Xao (Çin) ilə qarşılaşacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!