Bakı. Aqşin Əliyev - APA-Sport. Azərbaycanın daha bir güləşçisi Slovakiyanın Koşitse şəhərində gənclər arasında keçirilən Avropa çempionatının finalına yüksəlib. Azərbaycan Güləş Federasiyasının rəsmisi Mətləb Abdullayevin “APA-Sport” agentliyinə verdiyi məlumata görə, bütün rəqiblərinə qalib gələn Sona Əhmədova (59 kq) həlledici görüşdə iştirak hüququna yiyələnib. Həmvətənimiz finalda bir neçə saatdan sonra güləşəcək. Digər pəhləvanımız Nadiya Qradyuk isə uğursuzluğa düçar olub. 55 kq çəki dərəcəsində yarışan təmsilçimiz ilkin mərhələdə Viktoriya Hamanoviçə (Belarus) uduzaraq, 13-cü yerlə kifayətlənib.
Qeyd edək ki, qitə çempionatının ilk günündə milli komandamızın ukraynalı legioneri Mariya Stadnik qızıl medala layiq görülmüşdü. Sabah oğlanlar mübarizəyə qoşulacaqlar. İyulun 20-dək davam edəcək birincilikdə 7 yunan-Roma və 7 sərbəst güləşçimiz qüvvəsini sınayacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!