Bakı. Aqşin Əliyev - APA-Sport. Yunanıstandan Bakıya 44 velosipedçi təşrif buyurub. Bu haqda “APA-Sport” agentliyinə Azərbaycan Gənclər və İdman Nazirliyinin (AGİN) mətbuat katibi Səmayə Məmmədova məlumat verib. Paytaxtımıza gələn 82 nəfərlik nümayəndə heyətinin tərkibində tarixçilər və arxeoloqlar da var. Onların əsas məqsədi sülh və əmin-amanlıq rəmzi sayılan zeytun ağacını təbliğ etməkdir. Yunanıstanlılar bu gün Milli Olimpiya Komitəsində görüş keçiriblər. Daha sonra gənclər və idman naziri Azad Rəhimovla birgə Milli Olimpiya Komitəsinin qarşısında, AGİN-in həyətində iki zeytun ağacı əkiblər. S.Məmmədova bildirib ki, Yunanıstandan səfərə 45 velosipedçi çıxsa da, onlardan biri Azərbaycandan öncə baş çəkdikləri Gürcüstanda avtoqəzaya düşərək vəfat edib. Artıq Bakını tərk edən qonaqlar Türkmənistana yollanıblar. Yunanıstanlılar daha bir neçə ölkəni keçərək, avqustun 8-də, XXIX Pekin Yay Olimpiya Oyunlarının açılış günündə Çin paytaxtına yetişəcəklər.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!