Bakı. Elşən Məmmədov - APA-Sport. Gənclər və İdman Nazirliyinin (GİN) beynəlxalq əlaqələr şöbəsinin müdiri, 2008-ci il Pekin Yay Olimpiya Oyunlarında Azərbaycanın şef de-missionu İlham Mədətovla idman şöbəsinin müdiri Mirkamil Rəhimov sabah Çinə yollanacaqlar. Bu haqda “APA-Sport” agentliyinə GİN-in mətbuat katibi Səmayə Məmmədova məlumat verib. Onun sözlərinə görə, səfərdə məqsəd avqustun 8-də start götürəcək Pekin Olimpiadasına qatılacaq Azərbaycan nümayəndə heyəti ilə əlaqədar təşkilati məsələləri həll etməkdən ibarətdir. İ.Mədətovla M.Rəhimov Olimpiya yığmamızın qalacağı şəhərcikdə komandamıza yaradılacaq nəqliyyat, yemək və digər şəraiti, yarışların keçiriləcəyi idman qurğuları, məşq imkanları ilə tanış olacaqlar. Nazirlik rəsmiləri avqustun 24-də Olimpiada başa çatdıqdan sonra vətənə dönəcəklər.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!