Lints. Elşən Məmmədov – APA-Sport. Azərbaycanın yeniyetmə akademik avarçəkənləri Avstriyanın Lints şəhərində davam edən dünya çempionatında bu gün 1/4 final mərhələsinə qatılıblar. «APA-Sport» agentliyinin məlumatına görə, idmançılarımızdan 1 nəfərlik qayıqda çıxış edən Cavid Əfəndiyev Avstraliya, Serbiya, Avstriya, Xorvatiya və Braziliya təmsilçiləri ilə mübarizədə sonuncu yeri tutub. O, 2000 metrlik məsafəni 7:28.99 dəqiqəyə qət edib. Bu nəticə ilə həmyerlimiz yüksək yerlər uğrunda mübarizə şanslarını itirib. 2 nəfərlik sükansız qayıqda yer alan Timur Kutseba - Aleksandr Qlotov cütü də zəif nəticə göstərib. Eyni məsafəni 7:29.26 dəqiqəyə qət edən avarçəkənlərimiz Avstraliya, Danimarka, Fransa, Serbiya və Avstriya idmançılarına uduzublar. Həm C.Əfəndiyev, həm də T.Kutseba - A.Qlotov dueti çıxışlarını C və ya D yarımfinalında davam etdirəcəklər. 2 nəfərlik qoşa avarlı qayıqlarda mübarizə aparan Aleksandr Jdanov - Əbdürəşid Mustafin cütü isə sabah E və ya F yarımfinalına çıxacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!