Bakı. Kənan Həsənov - APA-Sport. Azərbaycanın bədii gimnastika üzrə qrup hərəkətləri milli komandası Pekin Yay Olimpiya Oyunlarına hazırlığın sonuncu mərhələsini Masallıda keçirəcək. “APA-Sport” agentliyinin Gimnastika Federasiyasının mətbuat katibliyinə istinadən məlumatına görə, yığmamız təlim-məşq toplanışına iyulun 31-də başlayacaq. Hazırlıq prosesi iki həftə davam edəcək. Masallı Olimpiya Kompleksində təşkil olunacaq məşqlərə Vəfa Hüseynova, Anna Bitiyeva, Valeriya Yeqay, Alina Tryopina, Anastasiya Prosolova və Dina Qorina qatılacaq.
Qeyd edək ki, milli komandamız bir neçə gün öncə Bolqarıstanın Varna şəhərində keçirilən Dünya kubokunun mərhələ yarışında 4-cü yeri tutub.

• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb