Bakı. Kənan Həsənov - APA-Sport. Azərbaycanın 20 yaşadək basketbolçu oğlanlardan ibarət milli komandası sabah Rumıniyaya yollanacaq. “APA-Sport” agentliyinin məlumatına görə, Oqtay Ağayevin rəhbərlik etdiyi yığmamız avqustun 1-də Tarqu Mures şəhərində təşkil olunacaq Avropa çempionatının B divizionunda ilk oyununu keçirəcək. B qrupunda yer alan komandamız debüt matçında Almaniya ilə qarşılaşacaq. Millimiz, həmçinin avqustun 3-də İsveç, 4-də İrlandiya, 5-də Çexiya ilə oynayacaq.
Qeyd edək ki, B divizionunda 4 qrupa səpələnməklə 19 komanda mübarizə aparacaq. Reqlamentə əsasən, yarışı ilk iki pillədə başa vuran yığmalar Avropa çempionatının nüfuzlu A divizionunda oynamaq hüququ qazanacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!