İstanbul. Elşən Məmmədov - APA-Sport. Türkiyənin İstanbul şəhərində davam edən dünya çempionatında bu gün qadın güləşçilər mübarizəyə qoşulublar. “APA-Sport” agentliyinin məlumatına görə, Azərbaycan pəhləvanlarından ilk olaraq, döşək üzərinə Nadya Qradyuk (51 kq) və Sona Əhmədli (59 kq) çıxıblar. N.Qradyuk bürünc medal uğrunda təsəlliverici görüşlərə qatılmaq şansı qazanıb. Yığmamızın belaruslu legioneri ardıcıl olaraq, Aliyum Abdildina (Qazaxıstan) və Dilək Atakolu (Türkiyə) yendikdən sonra yarımfinala vəsiqə qazanıb. Lakin finala gedən yolda Yekaterina Krasnova (Rusiya) onun qarşısını kəsib. Bu səbəbdən, N.Qradyuk qızıl medal şanslarını itirib. Güləşçimiz Sabina Maqnusson (İsveç) – Mariya Prevolaraki (Yunanıstan) cütünün qalibi ilə keçirəcəyi təsəlliverici görüşdə qələbə qazansa, bürünc medala sahib çıxacaq.
S.Əhmədli isə 1/16 finalda Andrea Simonu (Rumıniya) məğlub etməyi bacarsa da, növbəti qarşılaşmasında Alla Çerkasovaya (Ukrayna) uduzub. A.Çerkasova finala çıxa bilmədiyindən, pəhləvanımız bürünc medal şanslarını da itirib.
Sabah daha bir qadın güləşçimiz Əminə Abbasova (48 kq) qüvvəsini sınayacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!