Poznan. Mehman Süleymanov - APA-Sport. “Lex”i həm yaxşı oyun, həm də daha düzgün seçilmiş taktika münasibətilə təbrik edirəm”. “APA-Sport” agentliyinin məlumatına görə, bu fikirləri “Xəzər-Lənkəran”ın klubunun qapıçısı Dmitri Kramarenko UEFA kubokunun birinci təsnifat mərhələsində Polşanın “Lex” klubu ilə cavab oyunundan sonra deyib. Poznan təmsilçisinin növbəti mərhələyə çıxmasını layiqli hesab edən komandamızın 34 yaşlı kapitanı üçün böyük hesablı məğlubiyyət gözlənilməz olub: “Təəssüf ki, Bakıda keçirdiyimiz oyunda məğlubiyyətdən sonra işimizi çətinləşdirdik və belə olan halda, taktikanı dəyişməyə məcbur olduq. Səfərdə qələbə qazanmaq məqsədini reallaşdırmaq istədiyimiz halda, bunun tam əksi oldu. Stadionda möhtəşəm atmosfer yaradan azarkeşlərin ünvanına ən xoş sözlər düşür”.

• İdmançımız İtaliyada 2-ci oldu
• Gimnastlarımızdan bürünc medal
• Səbinə Əliyeva Türkiyədə çıxış edib
• Azərbaycanlı məşqçi Hindistanda keçirilən düşərgədə iştirak edib
• Kros qaçışı üzrə Bakı şəhər payız çempionatı keçiriləcək