Bakı. Kənan Həsənov - APA-Sport. Azərbaycanın 20 yaşadək basketbolçu oğlanlardan ibarət milli komandası Rumıniyanın Tarqu Mures şəhərində təşkil olunan Avropa çempionatının B divizionunda uğursuz çıxış edir. “APA-Sport” agentliyinin məlumatına görə, yarışın B qrupunda yer alan yığmamız ardıcıl ikinci oyunda da meydanı məğlubiyyətlə tərk edib. Debüt matçında Almaniyaya uduzan (38:124) basketbolçularımız bu dəfə İsveçə layiqli müqavimət göstərə bilməyiblər - 44:100. Oqtay Ağayevin rəhbərlik etdiyi komandamız bu gün İrlandiya, sabah isə Çexiya ilə qarşılaşacaq.
Qeyd edək ki, B divizionunda 4 qrupa səpələnməklə 19 komanda mübarizə aparacaq. Reqlamentə əsasən, yarışı ilk iki pillədə başa vuran yığmalar Avropa çempionatının nüfuzlu A divizionunda oynamaq hüququ qazanacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!