Pekin. Elşən Məmmədov – APA-Sport. Azərbaycan cüdoçusu Mehman Əzizov Çinin paytaxtı Pekində keçirilən XXIX Yay Olimpiya Oyunlarında çıxışını başa vurub. «APA-Sport» agentliyinin məlumatına görə, Sidney (2000) və Afina (2004) Olimpiadalarının da iştirakçısı olmuş 32 yaşlı idmançımız yer aldığı 81 kq çəkidə ilk görüşünü Ole Bişofa (Almaniya) qarşı keçirib. Görüş O. Bişofun qələbəsi ilə başa çatıb. Lakin almaniyalı cüdoçu yarımfinaladək irəliləyə bildiyindən, M. Əzizov bürünc medal uğrunda təsəlliverici görüşlərə qatılıb. Bununla belə, təmsilçimiz ilk təsəlliverici qarşılaşmasında Travis Stivensə (ABŞ) uduzaraq, mübarizəni dayandırıb.
Qeyd edək ki, Pekin Olimpiadasında ölkəmizi təmsil edən 6 cüdoçumuzdan 4-ü artıq tatami üzərinə çıxıb. Onlardan yalnız Elnur Məmmədli (73 kq) uğurla çıxış edərək, Olimpiya çempionu tituluna yiyələnib. M. Əzizovla yanaşı, Ramil Qasımov (66 kq) və Kifayət Qasımova (57 kq) heç bir görüşdə qələbə qazanmadan yarışı tərk ediblər.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub