Bakı. Kənan Həsənov - APA-Sport. Türkiyənin Qaziantep şəhərində təşkil olunan 20 yaşadək şahmatçılar arasında dünya çempionatı davam edir. “APA-Sport” agentliyinin məlumatına görə, IX turdan sonra ən yaxşı göstəriciyə Eltac Səfərli malikdir. Yeniyetmələr arasında Avropa və dünya çempionu olan təmsilçimizin hesabında 6,5 xal var. O, liderdən cəmi bir xal geri qalır. E. Səfərli bu gün X tur çərçivəsində Çao Li (Çin) ilə görüşəcək. Digər təmsilçilərimizdən Rauf Məmmədov 5,5, Vasif Durarbəyli ilə Orxan Abdulov 5, Bəhruz Rzayev isə 4 xal toplayıb. Qızların yarışına qatılan şahmatçılarımız isə liderlər qrupunda qərarlaşan rəqiblərindən 2 xal geri qalır. IX turdan sonra Türkan Məmmədyarova ilə Nərmin Kazımovanın 5,5, Xəyalə İsgəndərovanın 5 xalı var. Avqustun 15-də başa çatacaq dünya çempionatının mükafatçıları 13 turun yekununda müəyyənləşəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub