Rəqibindən açıq-aşkar üstün olan 26 yaşlı idmançımız yuka və koka fəndləri işlədərək, qələbə qazanıb. E.Məmmədov növbəti görüşdə özbəkistanlı Xurşid Nəbiyevə də qalib gəlib. Bununla da, həmyerlimiz olimpiadanın 1/4 finalında iştirak hüququna yiyələnib. Lakin o, yarımfinala vəsiqə uğrunda görüşdə dünya çempionu İrakli Tsirekidzeyə (Gürcüstan) məğlub olub. Buna baxmayaraq, E.Məmmədov mübarizəni davam etdirib. Rəqibi yarımfinala çıxdığı üçün cüdoçumuz təsəlliverici mərhələdə güləşib. Amma idmançımız misirli Heşam Meshaba uduzaraq, mükafatçılar sırasında yer almaq şansını itirib.
Qeyd edək ki, Pekin Olimpiadasında indiyədək tatami üzərinə çıxan 5 cüdoçumuzdan yalnız biri Elnur Məmmədli (73 kq) qızıl medala sahib çıxıb. Ramil Qasımov (66 kq), Mehman Əzizov (81 kq), eləcə də Kifayət Qasımova (57 kq) medal qazanmağı bacarmayıb. Sabah 100 kq çəki dərəcəsində Mövlud Mirəliyev bacarığını nümayiş etdirəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub