Pekin. Elşən Məmmədov – APA-Sport. Çinin paytaxtı Pekində keçirilən XXIX Yay Olimpiya Oyunları çərçivəsində yunan-Roma güləşçilərinin mübarizəsinə sabah yekun vurulacaq. “APA-Sport” agentliyinin məlumatına görə, son gündə döşək üzərinə ağır çəki dərəcəsində yer alan pəhləvanlar çıxacaqlar. Azərbaycan idmançıları Şalva Qadabadze (84 kq) ilə Anton Botevin (120 kq) rəqibləri artıq məlumdur. Ş.Qadabadze mübarizəyə 1/8 final mərhələsindən başlayacaq. Gürcüstan əsilli pəhləvanımızın rəqibi Haykel Açurri (Tunis) olacaq. Yığmamızın rusiyalı legioneri A.Botev isə 1/16 finalda özbəkistanlı David Saldadze (Özbəkistan) ilə güləşəcək.
Qeyd edək ki, Pekin Olimpiadasına yollanan 6 “klassik” güləşçimizdən 4-ü artıq çıxışını başa vurub. Rövşən Bayramov (55 kq) və Vitali Rəhimov (60 kq) gümüş medal qazandıqları halda, Fərid Mansurovla (66 kq) İlqar Abdulov (74 kq) mübarizəni erkən dayandırıb.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub