Pekin. Elşən Məmmədov - APA-Sport. Çinin paytaxtı Pekində keçirilən XXIX Yay Olimpiya Oyunlarında bu gün yunan-Roma güləşi üzrə daha iki çəki dərəcəsində qaliblər müəyyənləşib. “APA-Sport” agentliyinin məlumatına görə, 66 kq çəkidə olimpiya çempionu tituluna Fransa təmsilçisi Stiv Genyo layiq görülüb. Ötən il Bakıda keçirilmiş dünya çempionatının finalında Azərbaycan pəhləvanı Fərid Mansurova uduzan S.Geno Pekində ölkəsinə ilk olimpiya qızılını qazandırıb. O, həlledici qarşılaşmada Kanatbek Bekaliyevə (Qırğızıstan) qalib gəlib. Bürünc medallara F.Mansurovun ilk görüşdəcə uduzduğu Armen Vardanyan (Ukrayna), həmçinin Mixail Semyonov (Belarus) sahib çıxıb. Olimpiya və dünya çempionumuz öz çəkisində 20 idmançı arasında 19-cu olub. 74 kq çəkidə yer alan Manuçar Kvirkveliya isə təmsil etdiyi Gürcüstana Pekin Olimpiadasında birinci qızıl medal bəxş edib. M.Kvirkveliya finalda yerli güləşçi Çun Yunsyanı üstələyib. Bürünc medallara Yavor Yanakiyev (Bolqarıstan) və Kristof Geno (Fransa) yiyələnib.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub