Bakı. Kənan Həsənov - APA-Sport. Rusiyanın Soçi şəhərində keçirilən şahmat üzrə Qran-Pri turnirinin ikinci mərhələsi çərçivəsində XII turun oyunları başa çatıb. “APA-Sport” agentliyinin məlumatına görə, Azərbaycan milli komandasının üzvləri hesabat turunda xal itkisi ilə üzləşiblər. Teymur Rəcəbov yarışın lideri Levon Aronyanla (Ermənistan), Vüqar Həşimov isə Qata Kamski (ABŞ) ilə heç-heçə oynayıb. Boris Qelfand (İsrail) - Sergey Karyakin (Ukrayna), İvan Çeparinov (Bolqarıstan) - Məhəmməd Əl Modiaki (Qətər), Van Yue (Çin) - David Navara (Çexiya), Aleksandr Qrişuk (Rusiya) - Vasili İvançuk (Ukrayna) qarşılaşmalarında da qalib müəyyənləşməyib. Yalnız rusiyalı şahmatçıların duelində Pyotr Svidler Dmitri Yakovenkodan üstün olub. Bu nəticələrdən sonra L.Aronyan 7,5 xalla liderliyini qoruyub. Onu T.Rəcəbov, V.Yue və S.Karyakin (hamısı 7 xal) izləyirlər. V.Həşimovun hesabında 6,5 xal var. Bu gün sonuncu, XIII turun oyunları keçiriləcək: S.Karyakin - T.Rəcəbov, L.Aronyan - A.Qrişuk, M.Ə.Modiaki - B.Qelfand, V.İvançuk - V.Yue, D.Yakovenko - İ.Çeparinov, D.Navara - Q.Kamski, V.Həşimov - P.Svidler.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub