Bakı. Kənan Həsənov - APA-Sport. Üzgüçülük üzrə Azərbaycan milli komandasının son üzvü Tural Abbasov da XXIX Pekin Yay Olimpiya Oyunlarında çıxışını erkən başa vurub. “APA-Sport” agentliyinin məlumatına görə, 18 yaşlı idmançı 50 metr məsafəyə sərbəst üsulla üzmədə təsnifat mərhələsini adlaya bilməyib. Bu məsafəni 26,31 saniyəyə qət edən həmvətənimiz yer aldığı qrupda finişə dördüncü çatıb. T.Abbasov yekunda 97 idmançı arasında 78-ci sırada qərarlaşıb.
Qeyd edək ki, Pekin Olimpiadasına qatılmış digər üzgüçümüz Oksana Hətəmxanova 100 m məsafəyə brass üsulu ilə yarışda 46-cı yeri tutmuşdu.

• Azərbaycanda keçiriləcək III MDB Oyunlarının medalları təqdim olunub
• III MDB Oyunları üçün qeydiyyatdan keçən ölkələrin və idmançıların sayı artıb
• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO