Bakı. Kənan Həsənov - APA-Sport. Türkiyənin Qaziantep şəhərində təşkil olunan 20 yaşadək şahmatçılar arasında dünya çempionatında XII turun oyunlarına yekun vurulub. “APA-Sport” agentliyinin məlumatına görə, hesabat turunu Azərbaycan şahmatçılarının aktivinə yazmaq mümkündür. Filippinli Su Uesli ilə xalları yarı bölən Eltac Səfərli (8,5 xal) qızıl medal qazanmaq şansını son tura saxlayıb. Liderdən cəmi 0,5 xal geri qalan qrossmeysterimiz bu gün Maksim Rodşteynlə (İsrail) qarşılaşacaq. Növbəti qələbəsini qazanan Rauf Məmmədov xallarının sayını 8-ə çatdırıb. Vasif Durarbəyli 7, Orxan Abdulov 6,5, Bəhruz Rzayev 5,5 xal toplayıb. Qızların yarışına qatılan təmsilçilərimiz isə axırıncı turun nəticələrindən asılı olmayaraq, medal qazanmaq şanslarını itiriblər. Buna səbəb fəxri kürsüyə yüksəlməyə namizəd olan Nərmin Kazımovanın (7,5 xal) hesabat turunda uduzmasıdır. XII turu 1 xalla başa vuran Türkan Məmmədyarova (7,5 xal) və Xəyalə İsgəndərova (6,5 xal) üçün də axırıncı oyunlar əhəmiyyətsiz olacaq.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub