Bakı. Kənan Həsənov - APA-Sport. 20 yaşadək şahmatçılar arasında Türkiyənin Qaziantep şəhərində keçirilən dünya çempionatına yekun vurulub. “APA-Sport” agentliyinin məlumatına görə, yarışa qatılan Azərbaycan idmançılarından ən yaxşı nəticəni Eltac Səfərli göstərib. O, 13 mümkün xaldan 9-nu toplayaraq, 3-7-cü yerləri bölüşdürüb. Həmvətənimizə dünya çempionatının bürünc medalı təqdim olunub. Hərəyə 8 xal yığan Rauf Məmmədov və Vasif Durarbəyli 15-19-cu sıralarda qərarlaşıblar. Orxan Abdulovla Bəhruz Rzayev isə (hər ikisi 6,5 xal) daha 16 şahmatçı ilə birgə 51-68-ci pillələri bölüşdürüblər. Qızlarımız medal qazanmağa yaxın olsalar da, bunu bacarmayıblar. Nərmin Kazımova və Türkan Məmmədyarova hərəyə 8,5 xalla 6-10-cu sıralarda qalıblar. Xəyalə İsgəndərova isə 6,5 xalla 4-cü “onluq”da yer alıb.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub