Pekin. Elşən Məmmədov - APA-Sport. Yunan-Roma güləşi üzrə İsveç yığma komandasının üzvü Ara Abramyan Çinin paytaxtı Pekində keçirilən XXIX Yay Olimpiya Oyunlarında qazandığı bürünc medalından məhrum edilib. «APA-Sport» agentliyinin məlumatına görə, bu qərarı Beynəlxalq Olimpiya Komitəsinin Nizam-İntizam Komitəsi çıxarıb. 84 kq çəkidə çıxış edən erməni əsilli pəhləvan mükafatlandırma mərasimi zamanı qalmaqallı davranışı üzündən cəzalandırılıb. Qərara əsasən, A.Abramyanın medalı heç kimə verilmir, güləşçinin özü isə Olimpiadanın ədalətli oyun ruhunu pozduğu üçün Pekini dərhal tərk etməlidir.
Qeyd edək ki, 2004-cü il Afina Olimpiadasında gümüş medal qazanmış İsveç güləşçisi Pekində keçirilən yarışın yarımfinalında italiyalı Andrea Minqutsiyə qəsdən uduzdurulduğunu iddia edib. O, hakimlərin qərarına etiraz əlaməti olaraq, mükafatlandırma mərasimində boynundakı bürünc medalı qıraraq, döşək üzərinə tullayıb.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub