Bakı. Vüqar Xeyrullayev - APA-Sport. XXIX Yay Olimpiya Oyunlarının mükafatları qarşıdakı 8 il ərzində sahibini dəyişə bilər. “APA-Sport” agentliyinin məlumatına görə, kifayət qədər yeni rekordun müəyyənləşdiyi Pekin Olimpiadasının iştirakçılarından götürülən dopinq testləri 8 il müddətində saxlanılacaq. Beynəlxalq Olimpiya Komitəsinin dopinqlə mübarizəni daha da sərtləşdirmək məqsədilə qəbul olunan qərar tibbin gələcəkdə daha da inkişaf edə bilməsi ilə izah olunur. Ümumdünya Anti Dopinq Agentliyi və Pekin Olimpiadasının Təşkilat Komitəsinin birgə qəbul etdiyi bu yeniliyə qədər nəticəsi müsbət olan testlər 90, mənfi testlər isə cəmi 30 gün laboratoriyalarda saxlanılırdı. Yeni qaydaya əsasən hazırda hansı qrupa aid olduğu dəqiq bilinməyən preparatın bir neçə il sonra qadağan olunmuş dərmanlar siyahısına daxil edilməsi həmin dopinqdən istifadə etmiş idmançının mükafatının əlindən alınmasına səbəb ola bilər. Buna görə də dondurularaq laboratoriyalarda saxlanılacaq testlər qarşıdakı 8 ildə lazım gələrsə yenidən yoxlanılacaq.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub