Bakı. Kənan Həsənov - APA-Sport. Azərbaycan atleti Ramil Quliyev XXIX Pekin Yay Olimpiya Oyunlarının yarımfinalına yüksələ bilməyib. “APA-Sport” agentliyinin məlumatına görə, yarışın ¼ finalına yüksəlməklə tarixi nailiyyətə imza atan milli komandamızın üzvü bu mərhələdə mübarizəni dayandırıb. 200 m məsafəyə qaçışda iştirak edən 18 yaşlı atletimiz yer aldığı qrupda 20,66 saniyə nəticə ilə 5-ci yeri tutub və yarımfinala adlayan 16 idmançı arasına düşməyib. Bununla belə, R. Quliyev yeni Azərbaycan rekordu müəyyənləşdirib. Qeyd edək ki, 100 m məsafəyə qaçışda iştirak edən milli komandamızın digər üzvü Ruslan Abbasov 10,58 saniyə nəticə ilə təsnifat mərhələsini adlaya bilməmişdi.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub