Bakı. Kənan Həsənov – APA-Sport. Sərbəst güləş üzrə Azərbaycan milli komandasının üzvü Zəlimxan Hüseynov XXIX Pekin Yay Olimpiya Oyunlarında bürünc medal uğrunda mübarizəni davam etdirir. “APA-Sport” agentliyinin məlumatına görə, 60 kq çəki dərəcəsində yarışan təmsilçimiz təsəlliverici mərhələ çərçivəsində keçirdiyi ilk görüşdə olimpiya çempionu Yandro Migel Ribalta Kintananı (Kuba), ardınca isə Muzat Ramazanovu (Makedoniya) məğlub edib. Z. Hüseynov bürünc medal qazanmaq üçün daha bir görüş keçirməlidir. Rusiyalı legionerimiz Seyidmurad Məhəmmədini (İran) məğlub edəcəyi halda, olimpiadanı üçüncü pillədə başa vuracaq.
Qeyd edək ki, Z. Hüseynov ilk görüşdə olimpiya, dünya və Avropa çempionu Mavlet Batırova (Rusiya) məğlub olub. Rusiyalı güləşçi finaladək irəlilədiyindən, pəhləvanımız təsəlliverici qarşılaşmalara qatılmaq hüququ əldə edib.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub