Bakı. Kənan Həsənov - APA-Sport. Azərbaycanın bədii gimnastika üzrə qrup hərəkətləri yığması XXIX Pekin Yay Olimpiya Oyunlarının finalına yüksəlib. “APA-Sport” agentliyinin məlumatına görə, milli komandamız bu uğura 3 halqa və 2 gürzlə proqramı qüsursuz yerinə yetirməklə imza atıb. Vəfa Hüseynova, Alina Tryopina, Valeriya Yeqay, Anna Bitiyeva və Anastasiya Prasolovadan ibarət kollektivin çıxışı 15,875 xalla qiymətləndirilib. Bundan əvvəl 5 iplə proqramın ifasına görə hakimlərdən 15,575 xal alan komandamız yekunda 12 yığma arasında 8-ci yeri tutub. Avqustun 24-də keçirləcək finalda olimpiadanın mükafatları uğrunda məhz 8 kollektiv mübarizə aparacaq.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub