Bakı. Elşən Məmmədov - APA-Sport. “Pekin Olimpiadasında qızıl medala ümid edirdim. Bunun üçün əlimdən gələni əsirgəmədim. Amma görünür, uğur mənim tərəfimdə deyilmiş”. “APA-Sport” agentliyinin məlumatına görə, bu sözləri XXIX Pekin Yay Olimpiya Oyunlarında bürünc medal qazanan Azərbaycanın sərbəst güləşçisi Xetaq Qazyumov deyib. Çin paytaxtından ölkəmizə dönən osetiyalı pəhləvan Heydər Əliyev Beynəlxalq Hava Limanında verdiyi müsahibədə bildirib ki, olimpiadaya ilk dəfə qatıldığı üçün bürünc medalı normal nəticə saymaq olar. 25 yaşlı idmançı komanda yoldaşlarının da çıxışına münasibət bildirib: “Fikrimcə, yığmamız 100 faiz hazır idi. Sadəcə, bəxt bizdən bir az üz döndərdi”. Gələcəkdə də milli komandamızın şərəfini qorumaq istədiyini söyləyən X. Qazyumov bundan ötrü stimulunun olduğunu vurğulayıb.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub