Bakı. Kənan Həsənov - APA-Sport. Azərbaycan akrobatları Rusiyanın Novqorod şəhərində keçirilən beynəlxalq turnirdə iştirak ediblər. “APA-Sport” agentliyinin Azərbaycan Gimnastika Federasiyasının mətbuat katibliyinə istinadən verdiyi məlumata görə, idmançılarımız yarışı 1 gümüş və 1 bürünc medalla başa vurublar. Rüstəm Nəcəfquliyev, Fərid Məmmədov, İlham Abbasov və Elnur Məmmədovdan ibarət kvartet 85,436 xalla Rusiya yığmasından sonra ikinci olub. Çıxışları 86,415 xalla qiymətləndirilən Ayla Əhmədova-Dilarə Sultanova cütlüyü bürünc medala sahib çıxıb. Yeniyetmələr arasında mübarizə aparan Elçin Məmmədov-Emil Yarəhmədov dueti isə 82,6 xalla 9 cütlük arasında 5-ci yeri tutub.

• İdmançımız İtaliyada 2-ci oldu
• Gimnastlarımızdan bürünc medal
• Səbinə Əliyeva Türkiyədə çıxış edib
• Azərbaycanlı məşqçi Hindistanda keçirilən düşərgədə iştirak edib
• Kros qaçışı üzrə Bakı şəhər payız çempionatı keçiriləcək