Bakı. Kənan Həsənov - APA-Sport. Beynəlxalq Qılıncoynatma Federasiyası XXIX Yay Olimpiya Oyunlarının yekununa əsasən qadın sablyaçıların yeni reytinq cədvəlini açıqlayıb. “APA-Sport” agentliyinin məlumatına görə, Pekində çıxış etməyən Azərbaycan idmançılarının mövqeyində ciddi dəyişiklik qeydə alınmayıb. Təmsilçilərimiz arasında ən yüksək göstərici Səbinə Əmrahzadəyə məxsusdur. Dörd pillə irəliləyən sablyaçımız 32 xalla 60-cı sırada qərarlaşıb. Yığmamızın rusiyalı legioneri Janna Muradqızı (24 xal) isə 9 pillə geriləyərək 78-ci olub. Digər sablyaçılarımızdan Sevil Bünyatova (6 xal) 170-ci sıradakı mövqeyini qoruyub. Hesabında xal olmayan Aidə Ələsgərova 318-ci yeri tutub. Milli komandamız isə 40 xal itirməklə 3 pillə geriləyib. Yeni reytinq cədvəlində 91 xala malik yığmamız 33 kollektiv arasında 17-ci olub.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub