Bakı. Kənan Həsənov - APA-Sport. Sabah Rusiyanın Nalçik şəhərində qadın şahmatçılar arasında dünya çempionatı start götürəcək. “APA-Sport” agentliyinin məlumatına görə, bu nüfuzlu yarışda Azərbaycan yığmasının lideri İlahə Qədimova da iştirak edəcək. Olimpiya sistemi üzrə keçiriləcək çempionatda 64 idmançı qüvvəsini sınayacaq. Püşkə əsasən, reytinqdə 49-cu olan şahmatçımız 1/32 finalda Elizabet Peytslə (Almaniya) qarşılaşacaq. 33 yaşlı şahmatçımız özündən 10 yaş kiçik olan və reytinqdə 16-cı yeri tutan rəqibi ilə iki oyun keçirəcək. Bu görüşlərdə qalib müəyyənləşməsə, tərəflər blits-oyunda üz-üzə gələcəklər. Sentyabrın 18-də yekunlaşacaq dünya birinciliyinin mükafat fondu 450 000 ABŞ dolları həcmində müəyyənləşdirilib. Birinci yeri tutan şahmatçı 60 000 dollar mükafat əldə edəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub