Bakı. Kənan Həsənov - APA-Sport. Sabah İspaniyanın Bilbao şəhərində şahmat üzrə “Böyük dəbilqə” superturniri start götürəcək. “APA-Sport” agentliyinin məlumatına görə, bu nüfuzlu yarışda Azərbaycan yığmasının lideri Teymur Rəcəbov da mübarizə aparacaq. 21 yaşlı qrossmeysterimiz reytinqdə turnirin 5-ci şahmatçısıdır. 400 min avro mükafat fondu olan birincilikdə hazırkı dünya çempionu Vişvanatan Anand (Hindistan), Vasili İvançuk (Ukrayna), Maqnus Karlsen (Norveç), Veselin Topalov (Bolqarıstan) və Levon Aronyan (Ermənistan) da iştirak edəcək. İlk dəfə keçiriləcək “Böyük dəbilqə” superturnirinin qalibi 150 min avro qazanacaq. Reqlamentə əsasən qələbəyə 3, heç-heçəyə isə 1 xal veriləcək. İki dövrədən ibarət turnirin baş hakimi Azərbaycan Şahmat Federasiyasının vitse-prezidenti Faiq Həsənov olacaq.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub