Bakı. Elşən Məmmədov - APA-Sport. Azərbaycan Respublikası Dövlət Neft Şirkəti (ARDNŞ) Bakıda 65 min nəfərlik tamaşaçı tutumuna malik stadion tikəcək. “APA-Sport” agentliyinin məlumatına görə, bunu haqda gənclər və idman naziri Azad Rəhimov bu gün keçirdiyi mətbuat konfransında məlumat verib. A.Rəhimov bildirib ki, yeni arenanın Əzizbəyov metrosundan Sabunçu istiqamətinə gedən yolun kənarında inşası nəzərdə tutulub. Onun sözlərinə görə, müasir tələblərə cavab verəcək stadion Olimpiya təyinatlı olacaq. Lakin nazir Azərbaycan paytaxtında daha bir böyük arenanın da tikintisinin mümkünlüyünü vurğulayıb: “Biz Bakı şəhərinin 2020-ci il Yay Olimpiya Oyunlarına da namizədliyini irəli sürəcəyik. Əgər həmin Olimpiada uğrunda mübarizədə ikinci mərhələyə keçsək, paytaxtımızın infrastrukturu tamamilə yenilənəcək, yeni idman obyektləri salınacaq. Fikrimcə, bu zaman daha bir arenanın tikintisinə zərurət yaranacaq. Düzdür, Dövlət Neft Şirkətinin inşa edəcəyi stadionda Olimpiya Oyunlarının açılış və bağlanış mərasimlərini təşkil etmək olar. Amma fikrimcə, biz də Pekin Olimpiadasının təntənəli mərasimlərinin keçirildiyi “Quş yuvası” adlı arena kimi stadion tikə bilərik”.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb