Bakı. Elşən Məmmədov - APA-Sport. Bakıda Güləş, Cüdo və Karate evləri tikiləcək. “APA-Sport” agentliyinin məlumatına görə, bu haqda keçirdiyi mətbuat konfransında gənclər və idman naziri Azad Rəhimov məlumat verib. A.Rəhimov bildirib ki, 2009-cu ilin əvvəlində tikintisinə başlanılacaq idman mərkəzi Xətai metrosu yaxınlığında Gənclər və İdman Nazirliyinə ayrılan 1,4 hektarlıq ərazidə inşa olunacaq: “Həmin ərazi əvvəlcə Gimnastika Federasiyası üçün ayrılmışdı. Amma sonradan həmin federasiya Gimnastika Kompleksini Əzizbəyov metrostansiyası yaxınlığında tikmək qərarına gəldi. Xətai metrosu yaxınlığındakı torpaq sahəsi isə bizə verildi. Biz isə idman zalına böyük ehtiyacı olan cüdo, güləş və karateçilərimiz üçün həmin ərazidə böyük məşq zalı tikəcəyik. Orada hər üç növ üzrə binalarla yanaşı, idman zalının da inşası nəzərdə tutulub”.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub