Bakı. Aqşin Əliyev - APA-Sport. Kişi və qadınlar arasında cüdo üzrə Dünya Kuboku Bakıda təşkil olunacaq. “APA-Sport” agentliyinin məlumatına görə, bununla bağlı Avropa Cüdo İttifaqının (EJU) rəhbərliyi qərar çıxarıb. Öncə yarışın Belarusun paytaxtı Minskdə keçirilməsi nəzərdə tutulsa da, turnir üçün ayrılan zalın standartlara cavab verməməsi EJU rəsmilərini fikirlərindən daşındırıb. Daha sonra Dünya Kubokunun təşkilatçılıq hüququ Azərbaycana verilib. Oktyabrın 11-12-də baş tutacaq yarışa qatılacaq ölkələrin və cüdoçuların sayı hələlik məlum deyil.
Qeyd edək ki, 2007-ci il oktyabrın 14-15-də paytaxtımızda kişi cüdoçuların Dünya Kuboku uğrunda yarış keçirilib.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb