Bakı. Aqşin Əliyev - APA-Sport. Futzal üzrə UEFA kubokunun əsas mərhələsinin 6-cı qrupunun oyunlarına yekun vurulub. “APA-Sport”un məlumatına görə, Bakı İdman Sarayında keçirilən yarışda “Araz” (Azərbaycan), “Şkövde” (İsveç), “Slov-Matik Fofo” (Slovakiya) və “Nadin” (Bolqarıstan) 2 vəsiqə uğrunda mübarizə aparıb. Bütün oyunlarda qələbə qazanan “Araz” maksimum nəticə ilə elit mərhələyə yüksəlib.

Üstəlik, Böyükağa Hacıyevin rəhbərlik etdiyi kollektiv “Slov-Matik Fofo”dan revanş çıxa bilib. Belə ki, ötən il paytaxtımızda təşkil olunmuş analoji yarışda “Araz” məhz bu komandaya uduzaraq (3:4), qrupda qalmışdı. Bu dəfə isə “Araz” rəqibinə 4:2 hesabı ilə qalib gəlib. Məğlubiyyətə baxmayaraq, “Slov-Matik Fofo” da növbəti mərhələyə vəsiqə qazanıb. Qrup mərhələsinin son turu çərçivəsində oynanılan “Nadin” - “Şkövde” matçı isə birincilərin qələbəsi ilə başa çatıb - 3:2.

Qeyd edək ki, elit mərhələdə 16 klub 4 qrupda yarışacaq. Qrup qalibləri 2009-cu ildə keçiriləcək “Dördlər finalı”nda iştirak hüququna yiyələnəcəklər.

	Komandalar	O	Q	H	M	T	X
1	ARAZ	3	3	0	0	21-5	9
2	SLOV-MAT.F.	3	2	0	1	16-6	6
3	NADİN	3	1	0	2	5-15	3
4	ŞKÖVDE	3	0	0	3	5-21	0

• APA Jurnalist Məktəbi növbəti təlim kursuna start verib - FOTO
• Azərbaycan Badminton Federasiyası mükafata layiq görülüb
• Zaur Axundov Azərbaycan Velosiped Federasiyasının prezidenti seçilib
• Azərbaycan birinciliyində növbəti mükafatların sahibləri bəlli olub
• Bakı Marafonunda rekord iştirakçı: 27 min nəfər qeydiyyatdan keçib