Bakı. Kənan Həsənov - APA-Sport. “Mənim üçün turnir alınmadı. Bir səhv nəticəsində gələn məğlubiyyət növbəti oyunlarda da əhval-ruhiyyəmə təsir edir. Məndə məhz belə oldu”. “APA-Sport”un məlumatına görə, bu sözləri Azərbaycan şahmatçısı Teymur Rəcəbov söyləyib. İspaniyanın Bilbao şəhərində keçirilmiş “Böyük Dəbilqə” superturnirində çıxışını dəyərləndirən qrossmeyster səkkiz görüşdə yaxşı oynadığını bildirib: “Karlsenə məğlubiyyət mənə çox pis təsir etdi. Parlaq oynasam da, bir səhv hər şeyi korladı. İvançukla görüşdə də seytnotda uduzdum. Digər qarşılaşmalardan isə razıyam. Çünki onları yüksək səviyyədə keçirdim. Son oyunda Aronyana qalib gəlsəm də, turnir mənim üçün məyusluq notları altında keçdi”.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb