Bakı. Kənan Həsənov - APA-Sport. Türkiyənin İstanbul şəhərində idman gimnastikası üzrə “Bosfor kuboku” beynəlxalq turnirinə yekun vurulub. “APA-Sport”un Azərbaycan Gimnastika Federasiyasının mətbuat katibliyinə istinadən verdiyi məlumata görə, təmsilçilərimiz yarışı uğurlu nəticələrlə başa vurublar.

Belə ki, Elvin Ağadədəyev gimnastika atı üzərində final çıxışına görə qızıl medala layiq görülüb. 14 yaşlı idmançımız həmçinin, paralel qollar üzrə mübarizədə üçüncü yeri tutub. Eyni növdə komandamıza gümüş medalı isə kişilər arasında çıxış edən Şakir Şıxəliyev qazandırıb.

İdman gimnastlarımızın qatılacaqları növbəti turnir isə dünya kubokunun mərhələ yarışı olacaq. Bu nüfuzlu birincilik noyabrda Almaniyanın Ştutqart şəhərində keçiriləcək.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb