Lənkəran. Ağəddin Babayev-APA. Lənkəran şəhər Polis Şöbəsinin əməkdaşları narkotik maddələrin istifadəsi ilə məşğul olan şəhər sakinini həbs ediblər. Bu barədə APA-nın Cənub bürosuna Polis Şöbəsinin baş müstəntiqi Rövşən Rəşidov məlumat verib. Onun sözlərinə görə, şəhər sakini, 1975-ci il təvəllüdlü Çingiz Teyyub oğlu Nurullayev yaşadığı Heydər Əliyev prospekti, 78/12 saylı binanın qarşısında şübhəli şəxs qismində saxlanılıb. Onun üzərindən 0,503 qram tiryək, 0,392 qram heroin və 4 ədəd psixotrop maddə olan “Trimadon” həbi aşkarlanaraq götürülüb.
Məlumata görə, əvvəllər idmanın ağır atletika növü ilə məşğul olan Ç. Nurullayev tez-tez dopinqdən istifadə etdiyindən sonradan narkotika aludəçisinə çevrilib. Faktla bağlı cinayət işi açılıb.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub