Bakı – APA-Sport. Bu gün Azərbaycan Milli Avarçəkmə Federasiyası (AMAF) İcraiyyə Komitəsinin iclası keçirilib. “APA-Sport”un məlumatına görə, toplantıda Natiq Abbasov AMAF-ın I vitse-prezidenti seçilib. Fikrət Zeynalov isə federasiyanın baş katibi vəzifəsinə təsdiqlənib. İcraiyyə Komitəsinin üzvləri AMAF prezidenti Elçin Zeynalovun təqdimatına əsasən almaniyalı mütəxəssis Rüdiger Hauffenin akademik avarçəkmə üzrə Azərbaycan milli komandasının baş məşqçi postuna təyin olunmasına razılıq veriblər.
Bundan başqa kayak və kanoe millimizin iyunda təşkil edilmiş Dünya Kubokunun mərhələ yarışları, akademik avarçəkmə üzrə yeniyetmə və gənclərdən ibarət yığmalarımızın isə iyulda keçirilmiş dünya çempionatlarındakı çıxışları müzakirə olunub. Komandalarımızı həmin yarışlara hazırlaşdırmış baş məşqçilər Samir Məmmədovla (akademik avarçəkmə) Vasili Kolbanovski (kayak və kanoe) hesabat xarakterli məruzə ediblər. AMAF İcraiyyə Komitəsi ilk dəfə təmsil olunduğu yarışlarda avarçəkənlərimizin çıxışını qənaətbəxş sayıb. İclasda, həmçinin 2009-cu ildə keçiriləcək böyüklər arasında mötəbər turnirlərə və 2010-cu il Yeniyetmələrin Sinqapur Yay Olimpiya Oyunlarına lisenziya xarakterli yarışlara hazırlıq məsələlərinə də toxunulub.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub