Bakı. Aqşin Əliyev - APA-Sport. Azərbaycanın kayak və kanoe qayıqlarında avarçəkmə üzrə yeniyetmələrdən ibarət milli komandası Ukraynanın Donetsk vilayətində yerləşən Komsomolsk şəhərinə yollanıb. Azərbaycan Milli Avarçəkmə Federasiyasının mətbuat xidmətindən “APA-Sport”a verilən məlumata görə, yığmamız səfər çərçivəsində Ukrayna avarçəkənləri ilə birgə təlim-məşq toplanışı keçəcək.

Baş məşqçi Vasili Kovbanovskinin rəhbərlik etdiyi kollektiv, həmçinin “Federasiya Kuboku” turnirində qüvvəsini sınayacaq. Səfərə yollanan heyətdə 7 idmançımız yer alıb. Elvin Cəfərov, Emin Cəfərov, Rüfət Vəlizadə, Qulam Səlimov və Namiq Zöhrabov kayak, Habil İsmayılzadə və Xəqani Alməmmədli isə kanoe qayıqlarında mübarizə aparacaqlar. Sentyabrın 26-da start götürəcək turnir üç gün davam edəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub