Bakı. Vüqar Xeyrullayev - APA-Sport. Pekin Olimpiadasında iştirak edən atın orqanizmində qadağan olunmuş dərman preparatı tapılıb. “APA-Sport”un məlumatına görə, “Mifilus” adlı atın felbinak preparatından istifadə etdiyi təsdiqlənib. Ağrıkəsici keyfiyyətə malik bu dərman soyuqdəyməyə qarşı nəzərdə tutulub. Dopinq sayılmayan dərmanı yarışların gedişi zamanı qəbul etmək qadağandır. Belə ki, qaydalara əsasən xəstə at mübarizəyə qatıla bilməz. Dərman qəbul edən at isə bunu xəstəliyin qarşısını almaq üçün edibmiş.
“Mifilus”un bu əməli ABŞ komandasının cəzalanmağına səbəb olub. Komanda yarışlarında dördüncü olan yığma tutduğu yerdən məhrum olub. Atın sahibi Kortni Kinq “Mifilus”un necə dərman qəbul etdiyindən xəbərsiz olduğunu bildirib.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"