Bakı - APA-Sport. “Pekin Olimpiadasında Azərbaycanın əksər güləşçilərinin qarşısını Rusiya pəhləvanları kəsdilər. Rusların adı gələndə bizim pəhləvanlarımız onlara məsuliyyətlə yanaşsalar da, qorxu hissi keçirirlər”. “APA-Sport”un məlumatına görə, bunu Azərbaycan Gənclər və İdman Nazirliyinin idman şöbəsinin müdiri Mirkamil Rəhimov deyib.

Onun sözlərinə görə, bu mənfi xüsusiyyət XXIX Pekin Yay Olimpiya Oyunlarında sərbəst və yunan-Roma güləşçilərimizin timsalında özünü daha qabarıq şəkildə büruzə verib: “Rusiyanın çox güclü, səviyyəli güləşçiləri var. Lakin pəhləvanlarımız da onlardan zəif deyillər. Bizimkilər ruslara qarşı mübarizədən çəkinirlər. Onlara, sadəcə, psixoloji cəhətdən uduzurlar”.

GİN rəsmisi bildirib ki, psixoloji səddi adlamaqla, bu vəziyyətdən çıxmaq mümkündür: “Yunan-roma güləşçilərimiz Rövşən Bayramovla Vitali Rəhimov finalda, sərbəst güləşçimiz Xetaq Qazyumov isə yarımfinalda məhz Rusiya təmsilçilərinə yenildilər. Digər nümunələr də göstərmək olar. Həqiqətən də qeyd olunan sahədə çətinliklər var və biz rusiyalı pəhləvanlara qarşı psixoloji səddi aşmalıyıq”.


lent.az

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub