Bakı. Kənan Həsənov - APA-Sport. Azərbaycanlı peşəkar boksçu Fariz Kazımov Rusiya çempionu titulu uğrunda döyüş keçirəcək. “APA-Sport”un məlumatına görə, Kazan şəhərində təşkil olunacaq boks gecəsi çərçivəsində təmsilçimizin rəqibi yerli döyüşçü Timur Qimayev olacaq. Qarşılaşma 63,5 kq çəki dərəcəsində baş tutacaq.

Bu, 1987-ci ildə Şəmkirdə anadan olan Farizin peşəkar rinqdə 8-ci döyüşü olacaq. İndiyədək 5 qələbə qazanan boksçumuz, 1 dəfə uduzub, 1 görüşü isə heç-heçə başa vurub.

Qeyd edək ki, bir müddət öncə Rusiyada yaşayan həmvətənlərimiz, Xanlar Əzizovla Rauf Qarayev birinci orta çəki dərəcəsində Rusiya çempionu titulu uğrunda qarşılaşıb. Moskvada keçirilən döyüşün qalibi hakimlərin rəyinə əsasən Əzizov olub.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub