Bakı. Aqşin Əliyev - APA-Sport. Oktyabrın 23-də Tailandın paytaxtı Banqkokda gənc oğlan və qızlar arasında cüdo üzrə dünya çempionatı start götürəcək. “APA-Sport”un məlumatına görə, yarışda Azərbaycanın şərəfini 5 idmançı qoruyacaq.

Oğlanların mübarizəsində Elsevər Sadıqzadə (60 kq), Sərxan Əhmədov (66 kq), Ramin Qurbanov (81 kq) və Elmar Qasımov (90 kq) qüvvəsini sınayacaq. Xanım cüdoçuların yarışında isə cəmi bir təmsilçimiz olacaq. 63 kq çəki dərəcəsində Kəmalə Hüseynova öz bacarığını nümayiş etdirəcək.

Gənc cüdoçular Tailanda əsas milli komandanın baş məşqçisi Ağayar Axundzadənin rəhbərliyi altında yollanacaqlar. Dünya çempionatı oktyabrın 26-dək davam edəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub