Bakı - APA-Sport. “Təbii ki, nəticədən razı qalmadım. Qələbə qazanmağa layiq idik, amma bir xalla kifayətləndik”. “APA-Sport”un məlumatına görə, bu sözləri Çempionlar Liqasının qrup mərhələsinin ikinci turunda Kiyev “Dinamo”su ilə oyundan (0:0) sonra keçirilən mətbuat konfransında “Fənərbaxça”nın baş məşqçisi Luis Araqones deyib.

Son vaxtlar Türkiyədə kəskin təzyiqlərə məruz qalan ispaniyalı çalışdırıcı belə çətin vəziyyətlə dəfərlərlə üzləşdiyini bildirib: “Mən bu halı çoxillik fəaliyyətim zamanı bir neçə dəfə yaşamışam. Mövcud durumdan qurtula biləcəyimə, vəziyyəti yaxşılaşdıracağıma, bütün çətinlikləri adlayacağıma inanıram”.

Araqones rəqib komandanın oyun üslubundan gileylənməyi də unutmayıb. 70 yaşlı məşqçi “Dinamo”nun qorxaq futbol nümayiş etdirdiyini vurğulayıb: “Hətta ikinci hissədə rəqibə heç bir şans vermədik. Xeyli əlverişli imkana yiyələnsək də, şanslarımızdan yararlana bilmədik”.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub