Bakı. Kənan Həsənov - APA-Sport. Bu gün Rusiyanın Sankt-Peterburq şəhərində peşəkar boks gecəsi təşkil olunacaq. “APA-Sport”un məlumatına görə, yarışın əsas döyüşü Azərbaycan boksçusu Əli İsmayılovun iştirakı ilə baş tutacaq. WBO Latino versiyası üzrə “Qızıl kəmər”in sahibi olan 34 yaşlı idmançımız reytinq xarakterli görüşdə ABŞ təmsilçisi Maks Aleksanderlə qarşılaşacaq.

İsmayılovdan 7 yaş kiçik olan qara dərili boksçu peşəkar rinqdə keçirdiyi 18 döyüşün 14-də qələbə qazanıb, 2 görüşdə uduzub və 2 dəfə heç-heçə edib. Əli isə indiyədək 15 döyüşə çıxıb. 13 qələbəyə sevinən həmvətənimiz bir dəfə məğlub olub, bir görüşü isə heç-heçə başa vurub.

Döyüşdən əvvəl təşkil olunan çəki yoxlama mərasimində qısa açıqlama verən boksçumuz fiziki göstəricilərdə geri qaldığı rəqibinə vaxtından əvvəl, nokautla qalib gələcəyini bildirib. İsmayılov, həmçinin deyib ki, qarşıya qoyulan əsas məqsəd 2009-cu ildə WBO versiyası üzrə çempion olmaqdır.

Qeyd edək ki, Əli indiyədək ABŞ boksçusu ilə döyüşməyib.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub