Bakı. Aqşin Əliyev - APA-Sport. Azərbaycanın ən titullu ağırlıqqaldıranı Nizami Paşayev İranda keçiriləcək Mahmud Namcunun xatirə turnirinə dəvət alıb. Bu haqda “APA-Sport”a milli komandanın baş məşqçisi Vahid Nəzərov məlumat verib. Onun sözlərinə görə, ənənəvi yarışın mükafat fondu 25 min ABŞ dollarına bərabərdir.

“Adətən, bizi turnirə komanda şəklində çağırırdılar. Bu dəfə isə mənimlə Nizami Paşayevin adına xüsusi dəvət göndərilib” - deyə Nəzərov vurğulayıb. Yarış gələn ilin martında baş tutacaq.

Paşayev bu ilin fevralında təşkil olunmuş turniri kənardan izləmişdi. Çünki həmin vaxt ikiqat dünya çempionumuzun diskvalifikasiya müddəti sona çatmamışdı.

Həmin turnirdə Azərbaycan yığması komanda hesabında ikinci yeri tutmuşdu. Atletlərimizdən Zülfüqar Süleymanovla (62 kq) İntiqam Zairov (85 kq) qızıl, Əfqan Bayramov (69 kq) gümüş, Namiq Cəmilov (77 kq) isə bürünc medal qazanmışdı.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub