Qadınlardan ibarət otüstü hokkey üzrə Azərbaycan milli komandasının baş məşqçisi Tahir Zaman vətəni Pakistana qayıdıb. Apasport.az saytının məlumatına görə, gənc çalışdırıcının Pakistana yollanması Yeni il bayramı ilə əlaqədardır. Tahir Zaman 2009-cu il yanvarın əvvəllərində Bakıya dönəcək.

Həmin vaxt pakistanlı məşqçi ailəsini də paytaxtımıza gətirəcək. Onun Azərbaycan Otüstü Hokkey Federasiyasında məsul vəzifəyə təyinatının da məhz yanvarda gerçəkləşəcəyi gözlənilir. Milli komandada baş məşqçi postu isə böyük ehtimalla, argentinalı Serxio Vixilə tapşırılacaq. Federasiya rəhbərliyi ötən ay Bakıda səfərdə olan Vixillə ilkin razılıq əldə edib.

Qeyd edək ki, Tahir Zaman Azərbaycan yığmasını 2006-cı ilin noyabrından çalışdırır. Onun başçılığı altında otüstü hokkeyçilərimiz ciddi uğur qazana bilməyiblər.

• AMADA-nın icraçı direktoru: "Builki konfrans Konstitusiya və Suverenlik ilinə həsr olunub"
• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib