Bu gün Azərbaycan şahmatçısı Teymur Rəcəbov Rusiyanın Elista şəhərində keçirilən Qran-Pridə məsul oyuna çıxacaq. Apasport.az saytının məlumatına görə, 21 yaşlı həmyerlimiz axırıncıdan əvvəlki turda ermənistanlı Vladimir Akopyanla qarşılaşacaq. Reytinqdə Akopyandan (2679) üstün olan Rəcəbov (2751) ağ fiqurlarla oynayacaq.

Qələbə şahmatçımız üçün ikiqat vacibdir. Əvvəla rəqib bədnam qonşularımızın nümayəndəsidir. Bundan başqa, Rəcəbov qazanacağı 1 xal sayəsində, turnirin qalibi olmaq şansını artıracaq.

Həmçinin, bu gün digər təmsilçilərimiz də Qran-Pridə növbəti görüşlərini keçirəcəklər. Vüqar Həşimov rusiyalı Ernesto İnarkiyevlə münasibətlərinə aydınlıq gətirəcək. Şəhriyar Məmmədyarovun rəqibi isə Yu Vanqdır (Çin).

Qeyd edək ki, yarışa sabah yekun vurulacaq.

• “Offside” radioda yayıma başlayır
• "Formula 1": Oskar Piastri Azərbaycan Qran-prisinin qalibi oldu
• Ölkə birinciliyinin qalibləri müəyyənləşdi
• Prezident İlham Əliyev Beynəlxalq Avtomobil Federasiyasının prezidentini qəbul edib
• "Formula 1": "Ferrari" pilotu sıralama turunu lider başa vurub - YENİLƏNİB